Асосий ставкани йиллик 14 фоиз даражасида ўзгаришсиз қолдириш бўйича расмий Пресс-релиздан "Жорий пул-кредит шароитлари ва ташқи вазиятдаги ижобий кутилмалар инфляция прогнозига эришиш бўйича ишончни сақланиб қолишига хизмат қилмоқда". "Умумий фискал тақчилликнинг ўтган йилги кўрсаткичга нисбатан юқорироқ кутилаётганлиги ҳамда 1 сентябрдан ижтимоий нафақа, пенсия ва иш ҳақиларнинг оширилиши иқтисодиётда истеъмол талабининг сезиларли ўсишига олиб келади". "Ёз ойларида мева ва сабзавотлар нархлари ҳамда ойлик инфляция кўрсаткичларида кутилганидек мавсумий пасайиш суръатлари кузатилмади". "Тадбиркорлик субъектларининг инфляцион кутилмаларида бироз ошиш кузатилиб, апрель ойидан бошлаб кузатилган пасайиш динамикаси ўсиш динамикасига ўзгарди". "Cўмнинг реал самарали алмашув курси динамикаси ва унга нисбатан фундаментал босимнинг кутилмаётганлиги келгуси ойларда истеъмол саватидаги импорт ва импортга боғлиқ бўлган товарлар нархларининг нисбатан барқарор шаклланишига ҳамда уларнинг ички нархларни барқарорлаштирувчи ролини ошишига хизмат қилади".