Европанинг "охирги эркак сиесатчиси" Меркель саҳнадан кетмоқда Бугун тунда, балки эртага тонгда Германиянинг янги канцлери номини айтиш мумкин бўлади. Бугун Германияда парламент сайловлари бўлиб ўтмоқда. Кейинги 16 йилда биринчи марта турли коалицион ҳукуматларни туза олган Ангела Меркель ХДИ/ХСИ блокига етакчилик қилаётгани йўқ. Бу ҳақда у анча аввал, 2018 йилдаёқ эълон қилган. Катта эҳтимолки, рейтингларга кўра олдинда кетаётган Социал-демократлар маррага биринчи бўлиб келиши ва немис яшиллари билан коалицион ҳукумат тузишлари мумкин. Социал-демократлар, ХДИ/ХСИ катта коалицияси тузилишини ҳам истисно этиб бўлмайди. Социал-демократлар етовида ҳукумат тузилса Олаф Шольц канцлерлик лавозимини эгаллайди. Шольц Россиянинг энергетик қуроли ўлароқ кўрилаётган "Шимолий оқим-2" газ трубаси ишга туширилишига қарши эмас. Ушбу мавзу сайлов кампанияси вақтида асосий мавзуга айланган. Айни пайтда янги газ трубаси Украина манфаатларига қарши ишлатилса, Германия акс чораларга бориши мумкинлиги айтилган. Қандай чоралар - ҳозирча мавҳум. Нима бўлгандаям, Европани олдинда мураккаб чақириқлар кутиб турипти. Путин ва унинг ёвуз ниятларига қарши қатъий тура оладиган Меркель каби жиддий сиёсатчи ва ҳаракатлар кун тартибида кўринаётган йўқ.