​Путиннинг шантажи иш бермади: Европада газ нархлари пасайишда давом этмоқда Европада иситиш мавсумига 10 кун қолган бир даврда очиқ бозордаги газ нархлари пасайишда давом этмоқда. Кеча савдолар очилганда бошланган пасайиш бугун янада кучайган. Айни дамда минг куб газ учун 1 800 доллар таклиф этилмоқда. Бу июлдан буён қайд этилган минимум. Бугун эрталабки ҳолатга Европа газ омборлари 86%га тўлдирилган. Яъни, қишни ҳеч бир муаммосиз ўтказиш учун комфорт даражада газ захиралаб олинган. Энергетика нархлари ўсишининг салбий оқибатларини юмшатишга қаратилган Еврокомиссия, катта давлатлар Германия ва Британиянинг кўраётган чора ва тадбирларига бизнес ва аҳоли ишонмоқда. Спекуляция ва ваҳиманинг ўринга эга эмаслиги зеҳниятда кундан кунга мустаҳкамланмоқда. Хуллас, "Шимолий оқим-1" орқали газ етказиб беришни камайтириш, кейин профилактика учун тўхтатиш ва ниҳоят бутунлай тўхтатиш билан бошланган газ шантажи иш бермади. 21- аср шантаж ва урушлар даври эмас.