Нефть қазиб олиш ниҳоят ўтган йил даражасига етди 2020 йилдан кейин бошланган нефть қазиб олишнинг қисқариши бутун 2021 йилда ва 2022 йилнинг августига қадар муттасил давом этганди. Августда қайд этилган кичик ўсиш (+0,1 минг тонна) атипик ҳодисами ё узоқ давом этадими ёки йўқми, яна кузатишда давом этиш керак. Нима бўлгандаям бошқа энергетик хом-ашёлар — газ ва газ конденсатини қазиб олишнинг қисқариши тўхтагани йўқ. 2020 йилгача бўлган даврда қатор норасмий ва ёпиқ прогнозларда нефть ва газ қазиб олиш қисқариши Ўзбекистонда яна бир неча йил давом этиши баҳоланган эди. Янги прогнозлар қандай истиқболларни қайд этаёяпти, бу ҳақда расмийлардан ҳозирча ишоралар йўқ. Бензин ишлаб чиқариш сурати яна бироз ошган, дизель ишлаб чиқариш эса, гарчи Uzbekistan GTL уч ойдан буён расман ишлаб келаётган бўлсада, ўтган йил даражасига етгани йўқ. Ҳайдов мавсумининг бошланиши октябрь-ноябрга бориб дизелга талабни, монополия шароитида нархларни яна осмонга кўтаради. Электр ишлаб чиқариш ҳам, иссиқлик энергияси ишлаб чиқариш ҳам ўтган йил кўрсаткичларидан ортда қолмоқда.