Микроменежмент ўзбек чиновникларининг севимли машғулоти Йўқ, бу уларнинг малакасиз ва лаёқатсиз эканидан эмас; нафақат совет-колхоз тизимидан чиққанлар, росмана профессионал ва ҳатто ғарб таълимини кўрганлар ҳам микроменежментга муккасидан кетиб қолади, мойилликдан чекиниш қийин. Нега? Чунки микроменежмент битмас туганмас коррупцион даромадлар манбаи. Ким ундан воз кечади, айниқса, тийиқ нормалари йўқ шароитда. Ҳам обрў, арзон популистика. "Шахсан ўзларининг назоратида, шахсан ўзлари келдилар, ҳар ҳафта шу ердалар, шахсан ўзлари мана шу материални мана шу жойдан олишни, бу ишда мана шу одамга ишонишларини билдирдилар". Ёқимлику, фойдалику, тўғрими? Микроменежментдан фарқли ўлароқ макроменежмент қоидалар яратишни талаб қилади. қоидалар эса эртагаёқ ишга тушиб кетавермайди, наф келтиравермайди бирданига. Вақт эса қисқа, Тезда натижа кўрсатиш керак тепага. Шиор эсингиздами? "Замон — шиддат, талаб — муддат". Кўраётгандурсиз селекторларни. Бир ҳафта, нари борса уч ой вақт берилади. бу даврда микроменежментдан бўлак яна қанақа чора бор? Ҳам ечим, ҳам фойдали. Кеча уч ой муддат олганлар тизимни ўзгартиради, деб ўйлайсизми? Йўқ. Барча ресурсларни айтилган масалага сафарбар этади. Рапорт беради. Пул, ресурслар, қанча кетса, кетсин. Қолган ишлар ёниб кетмайдими? Яшасин микроменежмент! P.S. Ҳа, асосийси эсдан чиқипти, микроменежмент катта ақл, умуман олганда ақл талаб этмайди. Бу жудаям муҳим! @the_bakiroo