Генерал "Куз" ҳам Россия режаларини пучга чиқармоқда: Газ нархлари урушдан аввалги даражага қайтди Совуқ куз ва қаҳратон қиш Европани оқ байроқ кўтаришга мажбур қилади, деб ҳисоблаб газ етказишни чеклаган ва ҳатто трубаларини портлатган Россиянинг режалари яна иш бермаяпти. Октябрь Европада ўртача 3 даражага иссиқроқ келган. Ойнинг охирги ҳафтаси ҳам ўртача йиллик ҳароратлардан 4-8 даража иссиқроқ бўлади. Ҳафта давомида Лондонда 20 даража, Мадридда 26 даража иссиқ кутилмоқда. Албатта, Генерал "Куз" ҳозирча Европа тарафда. Атипик илиқ келган куз шароитида газнинг спот нархлари урушдан аввалги даражага — 950 долларгача пасайган. Европа давлатлари қулай конъюнктурадан фойдаланиб газ захиралашда давом этишмоқда. Олдинда эса узун қиш.