Грузия қайтмас нуқтада Грузияда маҳаллий сайловларнинг иккинчи турида овоз бериш якунланди. Экзит-поллар турлича натижани кўрсатмоқда. "Мтавари" телекомпанияси буюртмасига ўтказилган экзит-полларда Саакашвили тарафдорлари Тбилиси, Рустави, Кутаиси, Зугдиди ва Батумида ғалаба қозонмоқда. Ҳукуматпараст манбаларга кўра, Кремль олигархи Иванишвили қўлловидаги амалдаги партия 20та шаҳардан 18тасида олдинда бормоқда. Кейинги ой давомида Грузияда демократия ва эркинлик йўлида эришилган марралардан хавотирли ортга қайтиш бошланди. Шундай нозик паллаки мамлакат Европа томон илдамлашда давом этади ёки Россиянинг Кавказдаги вассалларидан бирига айланади.