Суверенитетга хатарлар Абдулла Абдуқодиров Ўзбекистоннинг суверен давлат сифатида мавжудлигига таҳдид соладиган жиддий чақириқлар ва рискларнинг илк белгилари пайдо бўлаётгани ҳақида иккита катта мақола ёзипти. Биринчи қисм. Иккинчи қисм. Риск ва хатарлар ўлароқ диний қарашларнинг радикаллашуви, суверенитетга босимлар, ақл эгаларининг мамлакатни тарк этаётгани, макроэкономикадаги хато мўлжаллар ва албатта коррупция саналган. Айрим иқтибослар (эркин таржима): Давлат бизнес-ҳамжамият билан қандайдир муҳим ижтимоий-иқтисодий лойиҳаларни амалга оширилиши "келишуви" эвазига бизнеснинг ундан индульгенциялар талаб қилишига йўл қўйиб берди; Давлат ўзи учун айрим вазифаларни муҳим деб белгилаган ҳолда, бюджет маблағларининг ўғирланишини "кечирилишига", бу бизнеснинг ўзгармас қисми дея, йўл қўйиб берди; Давлат назорат қилувчи органларнинг давлат маблағларини ўғирланишини олдини олиш бўйича биргаликдаги ҳаракатларини чеклай бошлади, натижада кўплаб давлат маблағларининг тақсимловчилар ўғриларга айланишди; Давлат чиновникларга ва уларнинг яқин қариндошларига расмийлаштирилган бизнес тузилмаларга эгалик қилишга йўл қўйиб берди, айнан улар маблағлар ва битимлар ноқонуний тақсимотининг асосий бенефициарлари бўлиб қолишмоқда; Давлат айрим юқори мартабали амалдорларга иқтисодий иттифоқлар/кланларга киришиш ва "асосий даромадларни ўзлаштиришига" имконият яратди, бу тақсимланадиган ресурсларнинг қисқариши билан ресурслар ва даромад манбалари учун кураш кучайган вақтда тўқнашувларга олиб келади...