​​Биргина шу йилнинг ўтган даврида жамоат транспорти йўловчиларнинг деярли 50 фоизи нақд пулсиз тўловга ўтди. Жорий йилнинг 10 ойи давомида АТТО транспорт карталари ўтган 2020 йилга нисбатан 234 фоизга кўпроқ сотилган ва ҳозирги кунга келиб жами 415 029 тани ташкил қилади. АТТО тизими орқали 115 миллиондан ортиқ транзакция амалга оширилган – ўтган йилга нисбатан 840 фоизга кўп. Карточкаларни тўлдириш эса 2020 йилга нисбатан 615 фоизга ошди. АТТО метронинг «Буюк Ипак йўли» бекатида FacePay технологиясини синовдан ўтказмоқда. Келажакда сиз шунчаки валидаторга қараб йўл ҳақини тўлашингиз мумкин бўлади. Келгуси йилда АТТО карталари орқали Тошкент-Хожикент йўналиши бўйича электр поездлари ва шаҳарлараро автобусларга нақд пулсиз тўлов тизими йўлга қўйиш режалаштирилмоқда. Шунингдек, келгуси йилга мўлжалланган режалар қаторида АТТО иловаси орқали электр велосипедларни ижарага бериш режаси ҳам бор. Жорий йилда Тошкентдан ташқари Ўзбекистоннинг яна икки шаҳрида – Гулистон ва Қаршида нақд пулсиз тўлов тизими жорий этилди. Келгуси йилда АТТО Самарқанд, Бухоро, Хоразм, Андижон, Фарғона ва Наманганда йўл ҳақини йиғишнинг автоматлаштирилган тизимини жорий этишни режалаштирмоқда. Telegram | Facebook | Instagram | реклама