"У хатоларни тан олишни билади" Қўшма штатларнинг Ўзбекистондаги элчиси Washington Diplomat нашрига катта интервью берипти. Интервьюда элчи жаноблари бўлиб ўтган сайловлар, сўз эркинлиги, Ўзбекистон эришаётган марралар, Афғонистондаги вазият ҳақида ўз фикрлари билан ўртоқлашган. Элчи давлат раҳбари ва унинг фазилатларига тўхталиб жумладан, шундай деган: "Ўйлашимча, у амалга оширган энг катта ишлардан бири бу - ўтмишнинг ва ҳатто бугуннинг хатоларини ҳам тан ола билаётганидир. У ўзига нисбатан жудаям танқидий қарайди, бу хислат тизимда жуда кам учрайди. У шунингдек, нафақат атрофидаги одамлар, балки мамлакат ташқарисидагиларнинг фикрларига ҳам қулоқ сола олади".