Биржада бензин нархлари пасая бошлаган, чакана нархлар пасайишига вақт керак Ниҳоят Антимонополия ҳаракатлари жонлана бошлагач, биржадаги нархларда пасайиш кузатилган. Биринчидан, таклиф ҳажмлари оширилган, айниқса, монополистнинг Бухоро нефтни қайта ишлаш заводининг биржага бензин чиқарилиши ортган. Иккинчидан, кичик лотлар ва ниҳоят бозорда пайдо бўлган. Илгари биржадан бензин олиш учун энг кичик лот 60 тоннани ташкил этган. Энди 1 тоннали лотлар учун ҳам бозорга кириш мумкин. Учинчидан, кичик лотларнинг пайдо бўлиши ҳаридорлар сонини кескин оширган. Ўртамчи, воситачиларнинг таъсири вақтинча ўйиндан ташқарига чиқарган. Кўрилган чоралар ўлароқ, АИ-80 маркали автомобиль бензинининг ўртача сотилиш нархлари 1 тоннаси 10 129 минг сўмдан 9 365 минг сўмга тушиб, 8 фоизга арзонлашган. Албатта, мазкур ҳаракатлар бирданига бензиннинг чакана нархларига таъсир кўрсатмайди. Бунинг учун бироз вақт ўтиши керак. Кўрилаётган чоралар хурсанд қилади, лекин бу етарли эмас. Эътибор берсангиз, монополист ва у билан аффиланган Бухоро, Фарғона нефтни қайта ишлаш заводлари ва ўзини "Саноат энергетика гуруҳи" деб қайта номлаб олган "Жиззах Петроилиум"нинг биржадаги таклифлари улуши 95 фоиздан зиёд. Табиийки, улар вазиятни бошқаради ва тор манфаатлар йўлида манипуляция қилади. Исталган занжирда ўзининг фойдасини максималлаштиришга уринади. Демак, исталган вақт яна ҳаммаси чаппа кетавериши мумкин. Узоқ муддатли барқарорлик учун консенсус йўқ. Бошқа, мустақил ўйинчиларнинг улуши 5%дан кам. Мана шу жойда ечим аслида. Бозорда, биржада мустақил ўйинчиларнинг улушини каррасига ошириш лозим. Нега уларнинг бозорда пайдо бўлиши қийин кечаяпти, улуши ва ҳажми ошмаяпти. Бунга ким, қайси идоралар тўсқинлик қилаяпти. Яширин квоталар ва протоколлар мавжудми? Уларни қачон очиқлаймиз?