Туркия Марказий банки интервенция қилишни бошлади Лира курсининг кескин тушиб кетиши ортидан, бугун тушга яқин Туркия Марказий банки интервенция қилишни, яъни захиралар ҳисобидан валюта сотишни бошлади. Охирги етти йилда Марказий банк валюта интервенциясини амалга оширмаган эди. Тушгача бу нисбатан қисқа натижа берди ва доллар/лира жуфтлиги 12,45гача тушди. Лекин тушдан кейин аҳвол яна ортга қараб кетмоқда, айни дақиқаларда жуфтлик котировкалари 13,10дан ўтмоқда. Интервенциягача охирги кунларда жуда паст бўлган бозор ликвидлиги ортган, лекин фақат доллар сотиб олиш ҳисобига ортмоқда. Бу регулятор учун жуда хавфли ва рискли ҳолат. Туркия валюта захиралари катта эмас, 40 млрд.доллар атрофида. Буни бозор иштирокчилари билади ва интервенция узоққа чўзилмаслиги эҳтимоли катта.