Валюта биржасида Рубль ва Юандаги битимлардан комиссия ундирилмайди Тарифларга киритилган ўзгартиришларга мувофиқ, Валюта биржасида RUB/UZS ва CNY/UZS валюта жуфтликлари олди-сотдиси, банклараро валютавий своп, дилерлараро РЕПО операциялари бўйича воситачилик мукофоти 2021 йил 1 декабрдан 2022 йил 31 майга қадар бўлган муддатга ундирилмайди. Таъкидлаш жоиз, бугунгача Валюта биржасида рубль ва юань билан боғланган битимлар амалга оширилмаган. Биржа учун ҳозирча талабгир бўлмаган бу валюталардаги битимлар кўпроқ банкларнинг ўз ички позициялари ёки корреспондентлари билан келишувлари доирасида юз бериб келган. Бундан ташқари, бошқа (доллар, евро) чет-эл валюта олди-сотдиси операциялари бўйича воситачилик мукофоти миқдори 0,050%дан 0,027%гача пасайтирилганлиги эълон қилинган.