"Белорусда приколчи битта бўлиши керак" "Нормал давлатларда террористларни ушлашади, Белорусда эса приколчиларни. Чунки Белорусда битта приколчи бўлиши керак", деган машҳур стендап-комик Слава Комиссаренко. Сўз устасининг маълум қилишича, уни Москвада қидиришмоқда. Лекин ҳамма биладики, у ҳозир Москвада эмас. Киевда концерт бераяпти. Лукашенконинг шотирлари ҳатто интернетдан маълумот қидиришни ҳам ўзига лозим топишмаган. Белорусь фақат Лукашенко ва картошкадан иборат эмаслиги, мазкур мамлакат ўзида фавқулодда талантларни етиштирганини Комиссаренконинг Дудь'га берган интервьюсидан, Дудь'нинг Кремний водийсида ишлаётган белоруслик ай-ти соҳаси вакиллари билан суҳбатларидан билиб олишингиз мумкин. Кўзингизга ёш келади. Белорусь ва унинг матонатли халқи кўп нарсага лойиқ. Дам олиш кунлари вақтингиз бўлса, албатта кўринг.