Менинг диктатураларга нисбатан муносабатим ўзгачароқ Масалан, диктатор ўз мутлақ, чекланмаган ҳокимияти даврида асосий иқтидорини ўзгариш ва ислоҳотларга йўналтирди, сохта сайловлар уюштиради, уларнинг оқибатларига, ҳатто санкцияларга тупуриб қўяди, лекин оиласи ва дўстларини миллиардер ўғриларга айлантирмадими, мен унга жиддий танқидий муносабатда бўлмайман. Ёки диктатор Конституцияда белгиланган муддат давомида ҳокимиятда бўлди, сўз эркинлигини чеклайди, сиёсий рақибларини қамайди (лекин ўлдирмайди), нафақат сиёсий рақибларини, энг асосийси ўғриларни қамайди - у ҳатто яқин қариндоши ва дўстлари бўлса ҳам. Мен бундай диактаторларга нисбатан ҳам тоқатли муносабатдаман. Кўп бор ёзганимдек, идеал диктатор ўзидан кейин унинг асосий кушандаси - ўрта синфни қолдира олиши керак. Ва ўша ўрта синф вақти келиб диктаторнинг чиққан жойини кўрсатиб қўя олиши лозим. Эртага Белорусда президент сайлови. Вазият жуда мураккаб: мамлакатда агар эркин сайловлар амалга ошса ва унинг натижалари сохталаштирилмаса, ундан исқирт Россия (ҳозирги Россия ростанам исқирт ва бу менинг сўзларим эмас) фойдаланиб қолиши ва Белорусь оккупация қилиниши мумкин. Жуда оғир дилемма: Ё импотентлашиб бораётган Лукашенко бошчилигида Белорусь суверенитетини сақлаб қолиш ёки эркин сайловлар ва Россия протекторати. Ва бу муаммога сабабчи ва айбдор Лукашенко. Онгли лидер, ҳатто у диктатор бўлса ҳам мамлакатни бир-биридан ёмон танлов олдида қолдирмаслиги лозим. Мен шу кунгача Лукашенкони идеал диктаторлардан бири деб атаб келганман. Бугундан бошлаб у шунчаки диктатор. Ярамас ва ёвуз диктаторлардан бири. @the_bakiroo