Мечкай Бухоро амири бойликлари Баъзида телевидение, газеталар ёки маънавиятпарастлар томонидан кўп айтилувчи "бизнинг ота-бобомиз Амир Темур, Бобур" дейилиши энсани қотиради. Булар биздан 5-6 аср олдин яшаган аждодлар. Келинг, яхшиси яқин ўтмиш ҳақида гаплашсак. Қисқача қилиб хон, амирларимиз очкўзлигини эсласак. Қуйидаги мақолани ўқинг: "Ҳозир Бухоро амирининг тасарруфида бўлган хазинанинг ақчаси (олтин ва кўмуш) шу даражада мўлки, ҳеч бир давлат хазинасида бу даражада эҳтиёт сақланган олтин ва кумуш пул ёмбилар бўлмаса керак. Бухоро амирининг саройларида сақланаётган олтин ва кумуш пуллар бўйи 50 олчин, эни 20 олчин ва баландлиги 8 олчин бўлган бир тоғдан иборатдир. Бу хазинадан ташқари 3 олчин катталикда яна бир ертўла хазинаси бўлиб, у рус, Бухоро ва бошқа бир қанча давлатларнинг олтин пуллари билан тўлдирилган. Амирнинг олтин ва кумуш хазиналари, унга қарашли банкларда ҳам сақланган. Масалан, Чоржўй беклигида Амирнинг ўн пуд (160 кг) олтин ва минг пуд (16 тонна)дан ортиқроқ кумуш тангалари бўлган". Маҳмудхўжа Беҳбудий муҳаррирлигида чиқарилган «Ойина» мажалласининг 1914 йилги 25-сони. И. Йўлдошев ва Н. Ҳайдаровнинг «Амир Олимхон хазинаси қаерда?» мақоласи Маълумот учун — бир олчин 70 см. Фрунзе бошлиқ болшевиклар Бухоро амири хазинасидан олтин, кумуш, зеб-зийнатлардан ташкил топган ўндан ортиқ вагондан иборат эшелонни ортмоқлаб Москвага олиб кетишган. Ўша аждодларимизга қарата: "Эх мечкай амир, халқни талаб-талаб йиғдинг ва бу бойликларингни ўзингдан ҳам талаб кетишди. Сўппайиб, яна шу халқ билан қолдинг" деган бўлардим. P.S. Узоқ ўтмишдаги аждод билан мақтанмай яқиндагисидан қолган, генимизга ўрнаган иллатлардан қутулайлик аввал. Давоми бор... Каналга уланинг 👉 @bahodirahmedoff 👈