Яхши хабар: йил бошидан буён иккинчи станция ишга тушди 2022 йил генерация қувватларининг ошиши бўйича ижобий сигналлар билан бошланмоқда. Ўтган ҳафтада Бухородаги иссиқлик электр станцияси тармоққа уланган бўлса, бугун йил бошидан буён иккинчи - Қибрайдаги 240 МВт бўлган буғ-газ электр станцияси ягона электр тармоғига қувват узата бошлади. Бухородаги станция каби бу станция ҳам Туркиянинг “Aksa Enerji” компанияси томонидан бунёд этилган. Лойиҳанинг умумий қиймати 150 миллион доллар ва маблағлар тўлиқ инвестор томонидан киритилган. Станция йилига 2,0 миллиард киловатт-соат электр энергияси ишлаб чиқаради. Генерация қилинган электр қанчадан сотиб олиниши бўйича маълумотлар очиқланмаган.