Совкомбанк ҳам санкцияларнинг эҳтимолий рўйхатида Январь ойида тайёрланган ва Россия Украинага ҳужум қилган тақдирда қўлланилиши мумкин бўлган санкциялар пакети лойиҳасида тизимли дея ҳисобланган Россиянинг Совкомбанки ҳам кўрсатилган. Совкомбанк кеча “Ўзагроэкспортбанк”нинг устав капиталидаги 100 фоиз давлат акция пакетини 4 млн. АҚШ долларига сотиб олгани ҳақида маълумот берилган эди. Айрим экспертлар Россия сиёсий ва бизнес элитаси санкцияларга қарши аввалбошдан Шарқий Европа ва Осиёдаги банклар, суғурта компаниялари, энергетика тизимларини сотиб олиш орқали захира аэродроми яратиш ишларига тайёргарлик кўришни анча аввал бошлагани ҳақида фикр айтиб келадилар.