Ҳар кимни, ҳамма вақт сотиб олиб бўлмайди: Европалик топ-менежерлар Россия компанияларини тарк этишмоқда Путин Россияси ва у билан боғлиқ ҳар қандай алоқадорлик бугун шармандали ва уят ҳолатга айланди. Таъбир жоиз бўлса, Путин Россиясига, Путин агрессиясига муносабат инсоннинг кимлиги ва қанақалигини аниқлаш учун лакмус белгиси бўлиб қолди. Бугунги кунгача Россиянинг корпорацияларида миллионлаб долларлик бонуслар ва мукофотлар эвазига фаолият кўрсатиб келган қатор европалик топ-менежерлар истеъфога чиқишмоқда. Хусусан, Кристиан Керн - Австриянинг собиқ бош вазири РЖД кенгашидан, Финландиянинг собиқ бош вазири Эско Ахо эса Сбер кенгашидан чиққанини эълон қилган. Узоқ йиллар Путин Россиясининг Европадаги дўсти, деб келинган Чехия Президенти Милош Земан Россияни СВИФТдан узишни ва энг қаттиқ санкцияларни талаб қилмоқда. "Бу тентакни ихоталаш керак" деган у Путин ҳақида. Айнан Чехия биринчилардан бўлиб россияликларга виза беришни тўхтатди ва консулликларини ёпмоқда.