​Россия экспортерлари бўйнига биз ўйлагандан кўра ортиқроқ юклама белгиланган: улар давлатдан қарз қилиб қўйилган Санкцияларга қарши антисанкцияларни жорий этиш бўйича Фармоннинг тўлиқ матни эълон қилинди. Фармонда, хусусан Россия экспортерлари экспорт тушумининг 80%ини мажбурий сотувини амалга ошириши лозимлиги белгиланган. Лекин Фармоннинг 1- банди билан танишилса, 80%лик мажбурий сотув 2022 йил 1 январдан кейин тушган барча экспорт тушумларига ҳам таалуқлилиги аён бўлади. Бошқача айтганда, Россиялик экспортерлар давлат олдида камида 2 ойлик экспорт бўйича мажбурий сотувдан қарз бўлиб туришипти. Фармон талаблари орқа санага қўлланилган. Тўғриси, бунақасини биринчи кўришим. Охирги икки кунда улкан интервенцияларга қарамай, рубль курсини мувозанатлаш қийин бўлаётгани энди тушунарли бўлди. Хорижий валютани мамлакатга олиб кириш хоҳиши ва истаклари тўлиқ жазоланган. Табиийки, россиялик экспортерлар экспорт тушумини қайтаргандан кўра, хорижда қолишини, қайтармасликни маъқул деб билишади. Чунки ҳар бир доллар экспорт тушуми мажбурий сотувдан қарзларни қоплашга йўналтирилиши лозим бўлади.