Россияда мажбурий сотув бекор қилинди. Лекин бу бозорга қайтиш эмас Уруш бошлангандан кейин биринчи ҳафтада экспортчилар учун киритилган 50 фоизлик мажбурий сотув талаблари Россия резидентлари учун бекор қилинди. Бозордан кескин четланиш ва маъмурий чоралар қисқа муддатда ўз самарасини кўрсатган ва долларнинг рублга нисоби 50гача тушганди. Бу шунингдек, параллел импорт каналларини йўлга қўйишга ҳам кўмаклашганди. Энди вазият ўзгармоқда. Нефть ва нефть махсулотлари нархига киритилган потолок нархлар, газ экспорти бўйича чекловлар нефть ва газга ҳаддан ташқари боғлиқ бўлган Россия бюджетини ўта қийин аҳволга солмоқда. 2023 йилнинг биринчи ойи бўйича бюджет дефицити 1,8 трлн.рублга етган. Бу ўтган йилнинг январига нисбатан 14 баробар юқори. Харажатлар ошаетган, даромадлар эса камаяетган шароитда қиммат рубль бюджет мувозанати учун мақбул эмас. Шу маънода, мажбурий сотув талабларини бекор қилинишини бозорга қайтиш, деб баҳолаш унча тўғри бўлмайди. Бу бюджет мувозанати учун амалга оширилган навбатдаги тактик маневр. http://publication.pravo.gov.ru/Document/View/0001202302060022?index=0&rangeSize=1