Умидлар сўнмайди 2022 йил 7 февраль: 2022 йилдан иқтисодиётда босқичма-босқич фискал консолидациялаш жараёнлари бошланади ва 2022 йил якуни бўйича умумий фискал тақчилликнинг ЯИМга нисбатан 3 фоиз атрофида бўлиши кутилмоқда. Бу, ўз навбатида, макроиқтисодий барқарорликни таъминлашга ва инфляцион босимни пасайтиришга ёрдам беради. 2023 йил 6 февраль: Ўтган йил якуни бўйича консолидациялашган бюджет тақчиллиги ЯИМга нисбатан қарийб 4 фоизни ташкил этди. Жорий йилда кутилаётган бюджет консолидацияси 2023 йил II ярмида ва келгуси даврларда фискал сиёсатнинг инфляцияга оширувчи босимини камайтириш имконини беради.