Фискал интизом ҳали бери қаттиқлашмайдиган кўринади Стратегияга кўра, Консолидациялашган бюджет тақчиллигини 2024 йилда ялпи ички маҳсулотга нисбатан 4 фоиздан ва келгуси йилларда 3 фоиздан паст бўлган миқдорда бўлишини таъминлаш кўзда тутилмоқда. Ҳужжат лойиҳа кўринишида бўлганида Консолидациялашган бюджет тақчиллигини 2024 йилда ялпи ички маҳсулотга нисбатан 3 фоиздан ва келгуси йилларда 2 фоиздан паст бўлган миқдорда бўлишини таъминлаш тарзида ифода этилганди. Демак, фискал интизомга қайтиш борасида жиддий қадамлар қўйилмайди. Охирги 3 йилда қонун кўринишида белгиланган бюджет тақчиллигининг чекланган миқдорига бирон марта амал қилингани йўқ. Бу йил ҳам амал қилинмайди (бюджет тақчиллиги камида 5%ни ташкил этади, агар 6% ва ундан юқори бўлиб кетмаса).