5%лик инфляция таргети 2030 йилга кўчдими? Ўзбекистон-2030 Стратегиясининг ичига қирган сайин жуда қизиқ мақсадли кўрсаткичлари билан ҳайрон қолдирмоқда. Айниқса, инфляцион мўлжал масаласида. Демак, Пул-кредит, фискал ва ташқи савдо сиёсатларини ўзаро мувофиқлаштириш ҳамда товар ва хизматлар бозорида рақобат муҳитини яхшилашга қаратилган таркибий ислоҳотларни давом эттириш орқали 2030 йилга бориб йиллик инфляцияни 5-6 фоиз даражасида таъминлаш вазифаси қўйилмоқда. Ҳужжат ҳали Лойиҳа вақтида 5-6 фоизлик инфляция мўлжали учун аниқ йил кўрсатилмаганди. Эслатиб ўтамиз, Марказий банк 5 фоизлик инфляция таргетини 2024 йилнинг иккинчи ярмига белгилаган. Бу бўйича ҳали бошқа ўзгартиришлар эълон қилингани йўқ. 2030 йил ёки 5-6 фоизлик таргет қаердан ва қандай чиққани жудаям қизиқ. Қонунчиликка кўра пул-кредит сиёсати ва инфляция учун Марказий банк масъул ҳисобланади ва ўз ваколатлари ҳамда вазифалари доирасида давлат ҳокимияти ва бошқарувининг бошқа органларидан мустақил равишда қарорлар қабул қилади.