Яна фискал консолидация режалаштирилмоқда “Пул-кредит сиёсатининг 2023 йил ва 2024-2025 йиллар даврига мўлжалланган асосий йўналишлари”нинг дастлабки концептуал лойиҳаси бўйича асосий (базавий) сценарийда макроиқтисодий барқарорликни таъминлаш, ялпи талаб ва ялпи таклиф ҳажмларининг ўзаро мутаносиб ўсиб боришига эришиш учун 2023 йилдан бошлаб фискал консолидацияни бошлаш кераклиги айтилган. Фискал тақчилликнинг ЯИМга нисбатини 2023 йилда 3 фоиздан, 2024 йилда 2,5 фоиздан ва 2025 йилда 2 фоиздан оширмаслик мўлжалланган. Ҳатто хатарли сценарийда ҳам 2023 йилда умумий фискал тақчиллик ЯИМга нисбати 4-4,5 фоиз атрофида бўлиши мумкинлиги, 2024 йилда ушбу кўрсаткич 3,5-4 фоиз, 2025 йилда эса 3 фоиз атрофида шаклланаши бўйича асослар қайд этилган.