Москва биржасидаги курс реалликни ифодаламайди Бугун 3 кунлик танаффусдан кейин Москва биржасида валюта савдолари бошланди. Битимлар очилгандан кейин биринчи сониялардаёқ доллар курси 113,88 рублгача кўтарилган. Бундан буёғига курс ўзгариши мумкин эмас, чунки доллар қиймати биржада белгиланган энг юқори коридорга етган. Халқаро платформаларда 1 доллар учун 132 рубль таклиф этишмоқда. Пул ўтказиш тизимлари ва банкларнинг нақдсиз онлайн алмашув иловалари 1 доллар учун 150 рублдан 200 рублгача бўлган курсни қўллашмоқда. Қозоқ биродарларимиз рублнинг қайси курси реалликни кўпроқ ифодалаши дилеммаси олдида қолишган ва 2017 йилгача бўлган Ўзбекистондаги вазиятни эслашган. P.S. Москва биржасида доллар курси учун белгиланган янги 120 рубллик потолок ҳам бир неча сонияда забт этилди.