Эртага муҳим сигналлар берилиши мумкин Эртага, 10 март куни асосий ставкани кўриб чиқиш бўйича Марказий банк Бошқарувининг навбатдаги йиғилиши бўлиб ўтади. Охирги Бошқарув йиғилишидан кейин ўтган даврда иқтисодий шароитлар, айниқса ташқи шароитлар кескин ўзгариб кетди. Инфляцияни жиловлаш, миллий валюта барқарорлиги бўйича янги чақириқлар пайдо бўлди. Мақбул пул-кредит шароитларини сақлаб қолиш учун янги қарорларга эҳтиёжлар сезилмоқда. Пул-кредит сиёсатининг 2022 йилга мўжалланган йўналишлари асосий сценариясига ҳам, муқобил сценариясига ҳам ўзгартиришлар киритишга вазият тақозо этмоқда.