Бугун Марказий банк бошқаруви асосий ставкани кўриб чиқиш бўйича навбатдаги йиғилишини ўтказади. 2021 йилдаги бу мавзудаги охиргиси бўладиган йиғилиш бутун дунё бўйлаб пул-кредит шартлари қатъийлаштирилаётган, лекин монетар чоралар инфляцияни жиловлашга кифоя қилмаётган бир шароитда бўлиб ўтади. Нима бўлганда ҳам амалдаги асосий ставка ва пул-кредит шароитларига оид сиёсат 2021 йил учун белгиланган вазифаларни бажариб бўлди ҳисоб. Эҳтимолки, бу билан боғлиқ жиддий ўзгаришлар энди келаси 2022 йилда юз бериши мумкин.