Pfizer'нинг учинчи дозаси омикронга барҳам беради Кеча Ўзбекистонда байрам бўлса ҳам қолган дунё учун иш куни эди. Ва дунё учун янграган энг асосий янгилик Pfizer Inc ва BioNTech SE компанияларининг илк лаборатория тадқиқотлари якунларига кўра, Pfizer вакцинасининг учинчи дозаси омикрон штаммига кор қилиши эълон қилингани бўлди. Тадқиқотларга кўра, вакцинанинг учинчи - бустер дозаси антитаначалар сонини 25 баробарга кўтаради ва бу омикронни енгиш учун кифоя қилади. Мазкур хабар фонд ва хом-ашё бозорларини яна қиздириб юборди. Асосий майдончаларда котировкалар кўтарилмоқда, инвесторларда риск иштаҳаси яна қайта уйғона бошлади. Нефть яна 75+ долларлик коридорга қайтди