Жанубий Африкада аниқланган янги штамм бозорларда росмана "қора жума" эълон қилди Жанубий Африка Республикасида илк бора қайд этилган COVID-19 янги штаммига ҳозирча "ню" дея ном қўйилган (бу кетишда штаммларни номлаш учун грек алифбосида ҳарф қолмайди). Характеристикасига кўра, ҳозиргача аниқланган штаммларнинг энг хавфлиси ва энг кўп мутацияга учрагани айни шу штамм бўлади. Маълумотларга кўра, янги штамм ё СПИДга чалинган, ё иммунитети ўта паст организмда ривожланган ва мутацияга учраган. Янги штамм тўғрисидаги хабарлар фонд ва товар бозорларини остин-устун қилиб юборди. Қаддини қайта ростлаётган нефть 83 доллардан 76 долларгача қулаган, нефтга боғлиқ давлатлар валюталари, шу жумладан рубль ҳам шу трендни такрорлашмоқда. Ҳимоя активлари ҳисобланган олтин яна қимматлашни бошлади, инвесторлар бошпана истаб Қўшма штатлар ғазначилиги қоғозларига қайтиши натижасида, уларнинг даромадлигини кескин пасайиб кетган. Кун чиқишдан кун ботишгача фонд бозорларидаги савдолар истисносиз қизил зонада кечмоқда. P.s. ЯНГИ штаммга ню деб эмас, омикрон деб ном қўйишипти (грек алифбосининг 15-ҳарфи)