Эртага, 10 декабрь куни Марказий банк асосий ставкани кўриб чиқиш бўйича навбатдаги оралиқ йиғилишини ўтказади. Бу 2020 йил ҳисобидан асосий ставкани кўриб чиқиш бўйича режа доирасидаги охирги йиғилиш бўлади. Йиллик инфляция пасайиб бораётган бўлсада, истиқбол учун салбий кутилмалар юқори даражада қолаётгани, валюта курси тенденцияси ва пандемиянинг қандай кечиши билан боғлиқ ноаниқликлар инобатга олинса ва сиёсий директива юз бермаса, асосий ставканинг ўзгаришсиз қолиши эҳтимоли баланд.