Статистика расмий ҳисоботига кўра, 2019 йил давомида ўртача иш ҳақи 2018 йилга нисбатан 27,5 фоизга ортиб, 2,3 млн сўмга етган. Зўр, шундай эмасми? Ўқувчиларда эса савол туғилиши мумкин, бу кўпмасми? Кўп ростанам. Чунки бу ҳисобга қишлоқ хўжалиги ва кичик тадбиркорлик субъектларидаги ойлик иш ҳақи киритилмаган. Кўпчилик биладики, қишлоқ хўжалигида кўп йиллардан буён қонунчиликдаги минимум даражасида ҳам ойлик тўланмай қўйилган (сифатли статистика ҳам юритилмаса керак), кичик тадбиркорлик субъектлари эса тинимсиз ошиб бораётган солиқ юкини компенсациялаш учун расмий ходимларига энг минимум ставкада ойлик ёзишади. Агар бу икки соҳа вазни умумий ҳисобга қўшилса, республика бўйича ўртача ойлик иш ҳақи эълон қилинганидан кўра анча-мунча камроқ чиқади. Мана шунақа ҳийлаи-статистика.