​Ўзбекистонликлар энг аввало тинчлик истайди. Сўралганларнинг 86,3%и Ўзбекистоннинг ҳарбий-сиёсий блокларга қўшилмаслик сиёсатини қўллаб-қувватлайди “Юксалиш” умуммиллий ҳаракати Ўзбекистон жамоатчилиги вакиллари иштирокида тинчлик қадриятига бўлган муносабати даражасини аниқлаш мақсадида сўровнома ўтказган. Натижалар кўрсатмоқдаки, юз бераётган ҳарбий ҳаракатлар ўзбекистонликларда қайғу (49,9%), қўрқув (15,3%) ва нафрат (14,6%) уйғотмоқда. Шахсан менда бўлаётган можарога нисбатан икки туйғу аралаш: қайғу ва нафрат. Мазлумлар учун қайғудаман. Зулмкорларга нафратдаман. Яна бир эътиборлик натижа - сўралганларнинг 86,3%и Ўзбекистоннинг ҳарбий-сиёсий блокларга қўшилмаслик сиёсатини қўллаб-қувватлашини билдирган. Юритилаётган ташқи сиёсатимизни қўллаш даражаси ҳам жуда юқори - 92,2%. Шунингдек, Ўзбекистоннинг фаол жамоатчилиги нафақат ўз юртида, балки бутун дунёда тинчлик бўлишини ёқлайди (93,3%).