Сўм мустаҳкамланмоқда 5 кун давом этган байрамлардан кейин бугун валюта биржасидаги илк савдоларда доллар курси ўртача 20 сўмга арзонлаб, 11490 сўмни ташкил этган. Тижорат банкларига чакана операциялар бўйича валюта курсларини белгилашда валюта биржасида колл аукцион натижасида шаклланган валюта курсидан фойдаланиш имконияти берилган. Демак яқин дақиқаларда айирбошлаш шохобчаларида доллар бироз арзонлашади. Кечаги йиғилишда Марказий банкка ташқи валюта бозоридаги ноаниқ вазиятни инобатга олган ҳолда, ички валюта бозори барқарорлиги ва алмашув курси мослашувчанлигини таъминлашда эҳтиёткорона ёндашувни қўллаб бориш муҳимлиги кўрсатиб ўтилган.