Молиявий аҳволи кун сайин ёмонлашаётган Россия МДҲ ягона пенсия макони келишувидан чиқмоқчи 1992 йилда тузилган келишувга кўра, пенсия тайинлашда 1992 йилгача СССРда ва ундан кейин аъзо давлатларда орттирилган меҳнат стажи ва даромадлар учун ўзаро пенсия тўлашга келишиб олинган эди. Бу дегани масалан, пенсионер бўлган Ўзбекистон фуқароси Россияда, пенсионер бўлган Россия фуқароси Ўзбекистонда пенсия олишга ҳуқуқли бўлган. Агар доимий асосда яшаб келган бўлса. Лекин энди Россия МДҲ давлатлари ўртасидаги мазкур келишувдан буткул чиқиб кетмоқчи. Бу орқали ҳар йили бюджетдан 2,2 млрд.рубль тежаб қолиш режалаштирилган. Россиянинг аҳволи ой сайин эмас, кун сайин оғирлашиб бораётган шароитда ҳар бир рубль аҳамиятга эга бўлиб бормоқда.