Мохов эмас, моховнинг эгалари бошқалар ҳам мохов юқтиришини истайди Беларусь халқи сайловда юз ўгириб, унга "кет" деб айтгандан сўнг, Россиянинг вассалига айланиш ва суверенитетни сотиш ҳисобига ҳокимиятини сақлаб қолган Лукашенко яна биз ҳақимизда валдирагани тармоқларда айлана бошлади. Шуни текшириб кўрмоқчи бўлдим. Аввал мана бу иккита сарлавҳага эътибор беринг: "Лукашенко предрек присоединение Узбекистана к Союзному государству". "Лукашенко предрек присоединение Таджикистана к Союзному государству". Россия пропагандасининг аҳлатхонаси тарқатган шу икки хабарда матн деярли бир хил. Эътибор беринг, сарлавҳа фақат битта сўзга фарқланади. Ҳар икки хабарни ясашда гўёки БелТА агентлигига таянилган. Мана БелТА агентлигининг Спутник хабар тўқиш учун фойдаланган видеолавҳаси. Албатта кўринг. Мана бу эса Беларусь Республтикаси Президентининг расмий сайтидаги ахборот. Ўқинг. Видеода ҳам, матнда ҳам Лукашенко на Тожикистон, на Ўзбекистон сўзини ишлатган. Тўлиқ иқтибос: "Благодаря вам мы имеем такое сотрудничество и пытаемся выстроить единое Союзное государство на новых принципах, чтобы никто не был в обиде, чтобы развивались суверенные независимые государства - Беларусь и Россия. К такому союзу, уверен, будут подключаться и другие республики бывшего Советского Союза". Яъни Спутник аҳлатхонаси Ўзбекистон ва Тожикистон Иттифоққа қўшилиши ҳақидаги хабарни Лукашенко номидан тўқиган ва бу аслида ҳокимият учун суверенитетини сотган Лукашенконинг эмас, Кремлдаги империячиларнинг хоҳишлари. Эски даврларда моховлардан кўп фойдаланишган, моховлар янги касаллик юқтирган вақтда жуда хавфли - бошқаларга юқтириш эҳтимоли юқори бўлади, лекин ҳали моховликнинг ташқи белгилари бўлмайди. Шунинг учун тузалмас ҳисобланган моховлар ихоталанади. Улар алоҳида ёпиқ қишлоқларда яшашади. Лекин босқинчилар босиб олинган ҳудудларга бостириб киришдан аввал моховлардан ҳам фойдаланишган, элчи ва карвонлар билан моховлар қўшиб жўнатилган. Вазирлар, аёнлар ва ҳатто пошшоларга юқтириш учун. Лукашенко ҳозир шунақа мохов. Том маънода эмас, мафкураси захарлайдиган мохов. Лекин унинг эгаси бор.