"Яшаш тарзи оғир бўлганларнинг сувдан қарзи йўқ, бойлар ва амалдорлар эса сувга пул тўламайди" Репортажда янграётган сўзлардан ҳайрон бўлманг. Ўзбекистонда субсидияланадиган ресурсларнинг, сув ҳам уларнинг қаторида, энг асосий истеъмолчиси бойлар, лекин ҳақ тўлашда энг кўп бўйин товловчилар ҳам бойлар. Қўшқават уйлар, бассейнлар, сауналар, кунига уч маҳал сув сочиладиган канада грин газонлар шуларда. Сувга нисбатан ижтимоий ва тижорий тарифлар ўрнатиш пайти келмадимикан? Нега пенсионер ва ижтимоий тоифаларни ўйлаб белгиланган субсидияланадиган тарифлардан бойлар ва амалдорлар пул тўламай баҳраманд бўлиши керак? Маълум қилишларича, Тошкент вилояти истеъмолчиларининг қарзи 85,5 млрд.сўм, республика бўйича эса ичимлик сувидан қарздорлик 1,1 трлн. сўмдан ошган. Бу 100 миллион доллар дегани. Бу пулга юзлаб аҳоли пунктларига сув етказиш мумкин эди дегани, лекин биз ташқаридан қарз олиб ётипмиз. Шунақа репортажларни кўпайтириш керак. Халқ ўз "қаҳрамонларини" билсин.