Мустақил Беларусь асосчиси Шушкевич қазо қилипти Совет иттифоқининг қулашини расмийлаштирган Беловеж келишувини имзолаган, мустақил Беларуснинг биринчи етакчиси Станислав Шушкевич 87 ёшида вафот этгани айтилмоқда. Шушкевич 1994 йилда Беларусда ўтказилган биринчи ва охирги демократик сайловларда мағлубиятга учраган ва сайловдаги мағлубият ортидан ҳокимиятдан кетган собиқ Совет маконидаги илк лидер ҳисобланади. Шушкевич ўрнига келган Лукашенко 28 йилдан буён ҳокимиятни турли йўллар билан, шу жумладан давлат суверенитетини сотиш ҳисобига ўз қўлида сақлаб келмоқда.