​​Нимага бу ГАИларимиз бир жойдан андоза олиш керак бўлса нуқул Россиядан андоза олишади? Нима, дунёда Россиядан бошқа давлат йўқми?! Айтайлик, Грузиядаги ислоҳотлар нега уларни қизиқтирмайди? Чунки коррупция ботқоғидаги Россия маънан яқин ва маслакдош бўлса керак ГАИмиз тепасидаги раҳбарларга. Аввал, авторақамларни ўзгартириб, «подроссийский» қилишди. Лекин ҳисобга олишмадики, Россия 3 та рақам ва 3 та ҳарфли тизимда шаклан ҳам кирилл, ҳам лотин алифбосида учрайдиган 12 та ҳарф — А, В, Е, К, М, Н, О, Р, С, Т, У, Х ҳарфлар комбинациясидан фойдаланади. Шунинг учун Москва, 77, 99, 177, 199, 777 ни тўлдириб ташлаган. Бизда Тошкент шаҳри учун ажратилган 01-09 серияларда 01 нинг ўзи тўлиши учун XXI аср камлик қилади. Ҳали 02-08 запасда! Чунки лотинча ҳарфлар I чиқариб ташланганда ҳам, 25 та! (25 нинг куби × 999 — ҳисоблаб олаверинг). Буни билиш учун фаросат керак, математикани қўя туринг, 4-синф арифметикадан хабардор бўлиши керак одам. Буниям қўя турайлик, кўп ўтмай тўсатдан ГАИ машиналарни подроссийский бўяшди — ёнидан кўк полоса. Ана энди ГАИларимизга россиялик ДПСчиларнинг формасини кийдириб қўйишибди. Буларни кузата туриб каллага битта шум фикр келиб қолди: Россия билан ҳамкорлик, Россия манфаатларига хизмат қилганлиги учун ватанга хиёнат моддаси билан хавфсизлик ва ҳарбий ходимлар судланаётганини эшитаяпмиз, ўқияпмиз. Шу, республиканский ГАИда ҳам борга ўхшаяпти шунақа унсурлар. Каналга обуна бўлинг: @shokirjonov