Олтиндан Камазгача, хиёнаткор Сердюковдан пиарчи Канделакигача Қўшма штатлар Молия вазирлиги Россияга қарши навбатдаги санкцияларни жорий қилди. Демак, бугундан бошлаб қонга ботган рус олтинини АҚШга импорт қилиш мумкин эмас. Санкцион рўйхатга шунингдек, энг йирик рус корпорацияларидан Камаз, авиация заводлари - "Объединенная авиастроительная корпорация", "Авиационный комплекс имени Ильюшина", "Туполев" кабилар ҳам киритилган. Путин режимининг пиарчиларидан Тина Канделаки, анча йиллар аввал хиёнати учун четга улоқтирилган собиқ мудофаа вазири Сердюковлар ҳам шахсий санкциялар рўйхатига қўшилишган.