Kyongnam Bank Ўзбекистон бозорига кирмоқчи Ўзбекистон банк бозорига қизиқиш билдираётган бошқа жиддий инвесторлар қатори корейслар ҳам хусусийлаштирилаётган давлат банклари билан қизиқаётгани йўқ. Марказий банкдаги музокараларда корейсларнинг ихтисослашган шўъба банк очиш режалари маълум қилинган. Шу ўринда нега жиддий инвесторлар бутун Ўзбекистон бўйлаб тайёр инфратузилма, мижозлар базаси, номи ва ходимлар портфели мавжуд бўлган давлат банкларини ҳатто номиналида ҳам сотиб олишга унча қизиқмаслиги ҳақида савол беришга, ўйлаб кўришга тўғри келади. Афсуски, жавоблар умуман ёқимли бўлмайди.