"Ўзагроэкспортбанк" учун миллий инвесторлар ҳам топилади Энг оғир SDN типидаги санкцияларга тушган Совкомбанк "Ўзагроэкспортбанк"ни сотиб олиш бўйича урушдан сал аввалроқ тузилган битимни бекор қилмоқда. 4 миллион долларлик битимни бир томонлама бекор қилиниши бўйича Совкомбанк тарафи пеня ё жарималар тўлаши ҳақида ҳозирча гап-сўз йўқ. Битим бекор қилинганидан унча дилгир бўлинмаслиги керак. Қайтанга бу яхшиликка. Ҳозирда ва яқин истиқболда ҳам рус банкларидан узоқроқда бўлиш бизнинг манфаатларимизда. "Ўзагроэкспортбанк"ка келсак, унга харидор топилади. Тешик мунчоқ ерда қолмас. Бундай ўта кичик ва муаммоли, айни вақтда энг катта қиймати банк лицензияси бўлган банклар учун харидорларни ташқаридан эмас, ичкаридан излаш керак. Янги даврда бизнеснинг турли сегментларида жуда катта тезликда капитал жамғарган ва бизнес консолидацияси учун банк очиш истагидаги миллий сармоядорлар етарлича. Бўлажак акциядорлар учун талаб ва шартларни ҳаддан ташқари оғирлаштирмай очиқ аукцион ўтказилса кифоя. Ишончим комил: 4 млн.доллардан арзонга кетмайди. @the_bakiroo