Путиннинг қора кўйлак банкири ниҳоят АҚШ санкцияларига киритилди Эльвира Набиуллина бугун ниҳоят АҚШ санкцион рўйхатига киритилди. Шу бугуннинг ўзида Буюк Британия ҳам Набиуллинага қарши санкциялар эълон қилганди. АҚШнинг бугунги санкциялар пакети жуда қизиқ мундарижага эга. Унга хусусан, Дмитрий Медведевнинг ўғли Илья ва хотини Светлана ҳам киритилган. Шу пайтгача "душман мамлакат" АҚШда кайфу-сафода яшаб кетган Илья энди бемалол фронтга отланса бўлади. Бош вазир Мишустиннинг ўғиллари, хотини, Шойгунинг қизлари, хотини, Собяниннинг қизи ҳам рўйхатга киритилган; улар ҳам эртадан Донбассга йўл олармикан? Рўйхатда яна Ксения Собчакнинг онаси Людмила Нарусова, Россиянинг Ўзбекистондаги собиқ элчиси Фарит Мухаметшин, илгари Ўзбекистон номидан қатнашган курашчи Арсен Фадзаев ҳам жой олган.