Украина НАТОга тезлаштирилган тартибда аъзо бўлиш учун ариза топширади Бу ҳақда Президент Зеленский ўз чиқишида маълум қилган: "Биз де-факто НАТОгача бўлган йўлни босиб ўтдик. Де-факто Шимолий Атлантика альянси стандартлари билан мувофиқликни исботладик. Улар Украина учун - жанг майдонида ва ўзаро муносабатларимизнинг барча қирраларида реалликдир. Биз бир-биримизга ишонамиз, бир-биримизга ёрдам берамиз, бир-биримизни ҳимоя қиламиз. Мана шунинг ўзи Шимолий Атлантика альянсидир. Де-факто. Бугун Украина бу ишни де-юре бажариш учун ариза топширмоқда". Яна шунингдек, Зеленский Украина Россия билан музокараларга тайёр эканини, лекин Путин билан ҳеч қандай мулоқот бўлиши мумкин эмаслигини маълум қилган.