Путинга қарши қақшатувчи санкциялар тайёр! Демократлар тарафидан тайёрланган санкциялар пакети Россия Украинага ҳужум қилган тақдирда қўлланилади. Лойиҳага кўра, илк марта жазо чоралари қўлланилиши кўзда тутилган шахслар қаторига Владимир Путин қўшилган. Ундан ташқари рўйхатда Бош вазир Мишустин, Мудофаа вазири Шойгу ва ташқи ишлар вазири Лавров ҳам бор. Украинани иқтисодий бўғишга ва Европани энергоқарамликка маҳкум этишга қаратилган "Шимолий оқим-2" лойиҳасини тўхтатиш чоралари санкциялар пакетининг асосини ташкил этади Санкциялар Россия қимматли қоғозлари билан боғлиқ ҳар қандай бирламчи ва иккиламчи битимга чекловлар қўяди. Шунингдек Россияда тизимли дея ҳисобланган қуйидаги 12 банкдан камида учтасига жазо чоралари қўлланилади: Сбербанк, ВТБ, Газпромбанк, ВЭБ, РФПИ, МКБ, Альфа-банк, Россельхозбанк, Открытие, Промсвязьбанк, Совкомбанк, Транскапиталбанк. (Ўзбек банклари ҳозирданоқ ушбу банкларда минимал қолдиқ ушлашни бошлагани маъқул). Санкциялар лойиҳаси эълон қилиниши ва Россия-НАТО/АҚШ музокаралари янг раунди натижасиз якунлангани ортидан рубль курси яна қуламоқда (доллар/рубль - 75,7). Рублга баррели 85 долларга етган нефть ҳам ёрдам бера олаётгани йўқ. Геосиёсий нобарқарорлик олтин нархини яна юқорига кўтармоқда (унцияси 1825 доллар).