Тарих қофияланаверади Ҳатто спортда ҳам. Иккинчи жаҳон уруши бошланиб, токи фашистлар устидан узил-кесил ғалаба қозонилиб, капитуляция ва денацификация якунланмагунча нацист Германияси футбол терма жамоаси сателлит, яъни ўзига бўйсунган, бўйсундирилган Болгария, Венгрия, Италия, Словакия, Хорватия каби давлатлар жамоалари билан ўйинлар ўтказиб келган. Баъзида ҳатто босиб олинган давлатлар нацистлар билан ўйнашни ўзига ор билишган. Дания қироли Кристиан X Германия билан ўйнашни буткул тақиқлаган бўлса, Нейтраллик эълон қилган Швеция ва Швейцария немислар билан ўртоқлик ўйинлари ўтказишда давом этишган. Урушнинг учинчи йилида Германия ФИФАдан ҳайдалган. Фашизмдан қутулган Германиянинг ФИФАга аъзолиги 1950 йилга келибгина тикланган.