Аёллар яхшироқ қарздор. Осиё тараққиёт банки бу сафарги ипотека лойиҳасини аёлларни қўллаб- қувватлаш орқали молиялаштирмоқчи Ипотекани қайта молиялаштириш компаниясига тақдим этиладиган навбатдаги 150 млн.долларлик қарз шартларидан бири бу камида 32,5% маблағлар уй-жой сотиб олувчи аёлларга ажратилиши билан боғлиқ бўлади. Осиё тараққиёт банки молиялаштиришнинг янги траншида ушбу шартни бежизга қўшмаган, назаримизда, чунки мулкдор аёл — бу ҳуқуқли аёл дегани. Мулкдорлик гендер тенглигининг муҳим шартларидан бири. Яна бир жиҳат аёлларнинг эркакларга нисбатан қарз сўндиришда масъулиятлироқ эканликлари билан ҳам боғлиқ бўлиши мумкин. Стресс-тестларда ва аксарият скоринг моделларида бу инобатга олинади. Янги кредитлаш "яшил реновация" принциплари билан ҳам боғланмоқда. Яъни кредитлар ажратишда энергосамарадорликка, қайта тикланадиган энергия билан таъминланганликка кўпроқ урғу ва устунлик берилади.