Лицензияси бекор қилинган "Hi-Tech bank"нинг регулятор қарори устидан даъвоси рад этилган 2022 йил 7 октябрда “Hi-Tech bank” хусусий акциядорлик тижорат банкидан банк фаолиятини амалга ошириш ҳуқуқини берувчи лицензияси чақириб олинган ва тугатиш жараёни бошланган эди. Йил охирига келиб "Hi-Tech bank" регулятор қарори юзасидан судга мурожаат қилгани маълум қилинганди. Айтишларича, суд "Hi-Tech bank"нинг регуляторнинг лицензияни чақириб олиш тўғрисидаги қарорини бекор қилиш ҳақидаги даъвосини рад этган. Шунингдек, "Hi-Tech bank" вакилларининг бошқа масалалар бўйича ҳам Марказий банкка даъволари кўриб чиқилаётгани ойдинлашган.