Шунчаки солиштириш учун Солиқ имтиёзи берилган хусусий мактаблар ўқувчилари сони давлат мактаблари ўқувчиларининг 0,7%ини ташкил этади. 0,7% манфаатлари тарозида 99,3% манфаатларини босиб кетмоқда. Ўтган ўқув йилида давлат мактабларида 34,2% ўқувчилар иккинчи ёки учинчи сменада ўқишган. Сон бўйича 75,5% мактаблар иккинчи ва учинчи сменада ишлашга мажбур. Яъни мутлақ кўп мактабларнинг қурилган пайтидаги дастлабки қувватлари аллақачон тўлиб бўлган. Ўқувчи ўрни етишмовчилиги 1,2 млндан 1,8 млнгача ва бу кўрсаткич фақат ортиб бормоқда. Мактаб етишмовчилиги муаммосини хусусий мактаблар воситасида ечиш сиёсати амалдаги вазиятни фақат мураккаблаштирмоқда холос.