Бугундан Украина пойтахти Киевда йўловчи ташиш бутунлай тўхтатилди. Пойтахт кўчаларида фақат махсус автомобиллар, хусусан дорихона ва дўконларнинг етказиб бериш билан боғлиқ транспортлари махсус рухсатнома билан ҳаракатланиши мумкин. Бугунги кунгача Украинада коронавирус юқиши билан боғлиқ 47та ҳолат қайд этилган. Ички ишлар вазири Аваков давлат учун фавқулодда муҳим бўлганлардан ташқари барча корхона ва ташкилот фаолияти тўхтатилиши мумкинлигини анонслади. Украина Радаси бутун мамлакат бўйлаб фавқулодда ҳолат эълон қилиши мумкинлиги айтилмоқда.